Donostia
Otaño, Pedro Mª
SARITUA
Nola gizon guztiyak
chit aundiyak diran
eta oso chikiyak
denbora berian,
batek asko pentsatu
eta ondorian,
igartzen diyo nola
gauz'asko lurrian,
ainbeste itsasuan
ala legorrian,
egongatik anbat
gugandik urrian,
Jaungoikuak daduzkan
betiko gordian.
Argatik dago chutik
betiko galdeera:
-¿Zergatikan chit gauz'au
beste ori zer da?
-Iñoiz erantzuteko
izaten da era,
gizona irichi da
zerbait jakitera,
illunpetatik gauza
asko du atera:
bañan jakintsunetan
geyena dan bera
erortzen da maizena,
galde egitera:
-Zergatikan da gauz'au
beste ori zer da!
Isiltzen diranian
gizon jakintsunak,
izketan asten gera
guchi dakigunak;
ayentzak bide asko
daude chit illunak,
estrapozoz beteak
eta trabadunak;
guretzat berriz denak
liraiñ ta legunak,
gañera geren ustuz
oso ezagunak;
ez bestek erakutsi
izan dizkigunak
edo ikashiretik
datorkizkigunak,
baizikan ametsetan
sortzen zalzkigunak:
Naiz farra egiñ iñoiz
aditzen digunak,
beti izango dira
guretzat lagunak.
Argatik, galdetzian;
¿Donostiya zer da?
Ikusten da lenago
diyoten bezela,
jakintsu aundi denak
isillik daudela,
edo geyenaz ere
mintzatzen dutela
lan ori erabaki
eziñ ditekela
ametsgilliak berriz,
kolpian, berela,
bere erantzuera
ematen dubela
esanaz: -¿Donostiya?
Kantauriko perla,
ta beste izen asko
errezki orrela,
chit ondo datozenak
jartzela ditubela.
¡Nork ukatu doaya
berez datorrela!
Naspillaturik beren
pisuz eta neurriz,
mundu guztiya bete
nai dutenak egiz,
bete oi dutena da
kopeta izerdiz,
gauzak ezagutzeko
arreta geyegiz.
Nik agurtutzen ditut
begiramen aundiz,
naiz berak farra egiñ
gure umekeriz;
or konpon ditezela
beren jakinduriz;
neretzat Donostiya,
ara zer dan berriz:-
Uso bat biralduba
Noe-ren Arkatik,
iñon legorrik bazan
jakitiagatik,
pisti leyal gasua
al zuben lekutik,
izpi bat chinchilika
zubela mokotik,
aditzera emanaz
argiro gogotik,
azaltzen ari zala
lurra ujalpetik,
biurtu zan aizera
urditza artatik,
lokabetuaz denai
zeukaten dudatik.
Putzuban emanikan
len ainbeste jira
uso ona biraldu
zutenak urdira,
noiz bait irichi ziran
Ararat-mendira,
lenbizi egokitu
Noe buruzariyak
irtenik erdira
ta eskerrak emanez
Zerura begira,
itza bireztu zuben
bere familia,
esanaz: -Sem ta Jafeth.
egnu'etorri da
ta Jaunak agindubak
egiñ bear dira,
Zeren emazteakiñ
biyak urrutira
joan bear dezute
bizitza berriya;
Kan ta bere andrea
nerekin baitira;
ait'amak zarrak gaude
ta izan kupira,
ez lotsikan biraldu
gure aurpegira.
¡Oraiñ bendiziyua
ar zazute, tira!
-Eta agindu zuben
beste alderdira:
Pisti, denak bijoaz
alduten tokira.
Aiñ leyal legor billa
juan zan egaztiya,
ekarririk birpiztu
zituben izpiya,
pisti denak bezela
izan zan utziya;
bañar argitasunez
nola zan jantziya,
aurrera eramanik
bere iritziya;
laster igaro zuben
legerdi guztiya.
Oroitutzen zan leku
On bat ikusiya
eta bera izanik
chit egalariya,
alderdi artara zan
berela abiya,
topatzera goguan
zedukan tokiya.
Irichi zubenian
berriz Kantauriya,
emenchen autu zuben
beretzat kabiya:
etzin zan, eta ez da
begira, non daguan
gaisua jachiya:
"len usua zan eta
oraiñ Donostiya",
Buruba ageri du
gaztelu orretan;
Gorputza Donostiko
eche ederretan,
ta itsatsa Loyola-
ko erriberetan;
eskuiko egua
Ategorriyetan
eta ezkerrekua
Antiguan bertan
edo alde artara
dauden birietan,
Beste pisti batzubek
egope onetan,
ikusten dira iñoiz
uda-egunetan,
beren lumak bustiyaz
Konchako bagetan
pozkidaz dabiltzala
jostatzen uretan...
Sartu gabe kondaira
luziagüetan...
orra nere iritziz
Donostiya zer dan.
|