Zorigaitzean minbizi txar bat

Otamendi

 1)

 Zorigaitzean minbizi txar bat

 neri zaida inguratu,

 mingaiña laxter moztuko idate

 ta geldituko naiz mutu.

 Aurretikan nik erakutsi hau

 nahi dizuet gogoratu:

 Euskal Herriko anai-arrebak,

 beti elkar maitatu.

 2)

 Nere mingaiñen minbizi txarra

 sortua zait egun baten

 eta goroztik miñikan asko

 dirade neri ematen.

 Sendatu naien hasiko dira

 nere mingaña ebaten,

 halare zuek saiatu beti

 euskaldun jator izaten.

 3)

 Hauxen da miña daukatena nik

 mingain guztia puskatzen,

 herriya ondo baldin balego,

 honek ez nau ni kezkatzen,

 Saia zaitezte, anai-arrebok,

 gure Euskadi askatzen;

 hitz hauxe nik beste gauzikan

 ez dizuet gaur eskatzen.