Otalastegi
(Jarraitzen)
Diabruaren engaņidua
Esango dizutet itz bitan
Mixiolariari aditu nion
Baņa ez dakit ote dakitan
Arrantzalien amuba data
Jakiya arrayen begitan
Pekatariya orba erortzen da
Tentaziyuaren alditan.
Blasfemiaren kontuan ere
Ipiņi dute itzala
Esan digute juan dan urtian
Gizon bat ontan il zela
Eleiza aurrian blasfematurik
Tximista jota bezela
Kondenatuben izkuntz onetatik
Jaunak aparta gaitzala.
Eriotza da eskeleto bat
Geure gorputzen ezurra
Onetan pensatzen egondu naizba
Ez dala diot gezurra
Animaren da aragiaren
Erdiyan dagon malzurra
Dirudiyela elbi iragatzen
Gosiak dagon zakurra.
Jarri gaitezen egan dabillen
Elbitxo baten pensatzen
Zakurrak kolpe egitiarekin
Nola dan eskutatutzen
Eraberian kristabak ere
Munduban dira kastatzen
Parra ta burlaz eriotzarekin
Ez da ibiltzeko jostatzen.
Eriotza ortan badago beste
Gauza bat arrigarriya
Buru gaņian omen daukagu
Ezpata bana jarriya
Bera erortzian emate emendu
Zastada ikaragarriya
Gorputza illik alde batera
Animak bizitza berriya.
Bizitza orrek iraungo digu
Eternidade guztiyan
Zorionekua arkitzen dana
Jaungoikuaren graziyan
Kontzara berriz baldin badago
Diabrubaren pozoyan
Alper alperrik damu izango du
Ondu gabia sasoyan.
Jaurgoikuaren justiziya da
Ezin geyago zuzena
Oso osorik emango dio
Irabazirik daukana
Munda onetan bide txarretik
Ibilli bada gizona
Beste munduban nola billatu
Orren animak zoriona.
Ispillu orrek emango dio
Une baten da bestian
Inpernurikan samingarrina
Eternidade guztian
Su leize baten egon biarra
Kondenatuben pestian
Ortan sartu naiz
Betiko au zei dan
Ezagutzeko uztian.
Esan digute eun milloi urte
Udaren tanto banetan
Onen onduan ez dirala ezer
Itxasuan diran danetan
Tantoka atera agortu arte
Ta azkena biyek batetan
Kain pozikan dantzan legoke
Arreglameniu onetan.
Nolabait ere gure animak
Arkirzen ziran gaixorik
Erriko jaunen erremedioz
Sendatu gera osorik
Medikuberi deitu zioten da
Kasik etzegon pulsurik
Ya ya eziņ zeikian eman
Zeruko bidian pausorik.
Sendagaya ori da konfesiyua
Bere kondiziyuakin
Esamiņa ta damutasuna
Propositu onarekin
Okasiotik apartatzeko
Geure alegiņarekin
Ori egiten ez degun arte
Gaitza egongo da gurekin.
Gaitz orretatik apartaturik
Dagon anima debilla
Arreta aundiaz ibilli bear du
Erremediyo onen billa
Oraziyua da bire bakarra
Debozioz da umilla
Ori utzita ibiltzen dana
Ez da irtengo abilla.
