Itz-jostallua
Otaegui, C. de
Pozez eta kontentuz, Pachiku zegoan,
Aranoko elizai zalako urtean,
Baña ¡gizagaisoa! iñon etzegoan,
Chomin para zutela jakin zuenean.
¿Zer, egia ote da esaten dutena,
Kredoa iñoiz jakin ez duen gizona
Izendatu dutela ¡ai au nere lana!
Aranoko sakristau egingo duena?
Ez gaitun alperrikan egon esperantzan,
Zion emazteari, ainbeste urtetan,
Chiminirik gabeko echetzar orretan
Urte askoz ondocho bizitzeko asmotan!
Maricho, adi nazan, (baña isillikan,
Kutizia degula ez dezaten esan:)
"Chapelgille baldin nik ikasi baniñan,
Bururik gabe danak jaioko zitunan."