Kristoren gurutza
Orixe
Or Jaunaren ikurriņa,
or Gurutzea dirdaidun;
bizia danak or illez,
bizi berri eman zigun.
Guk egin obenen ziztak
biotza agertu ziola
obenok garbitzeko
zun ixuri ura, odola.
Xuxen gerta da, Dabid'ek
eresiz esan bezala:
Jauna errien Errege
Abetik izango zala.
Errege-jantzi gorriaz
ederturiko Zugatza,
Gorputz santu au artzeko
zugatz guzietan auta.
Doatsu Zu, besoetan
baituzu gure Bizia;
infernuari diozu
kendu bere zun saria.
Gurutze, Zu poz bakarra,
Pasio-aldi onetan;
geitu zintzoen grazia,
gaitza kendu gaiztoengan:
Irutan bat dan Jainkoa
guziok ospa dezagun;
irabazia baitigu
Gurutzez betiko osasun.
|