Imoz'ko apezgaia
Ormaetxea, Nikolas (Orixe)
Jainkoak deitu nindun bidetik
aldegin nuen, damurik!
Aren legea irakasteko
ez nuen izan gogorik.
Orain, ordea, emen nagozu
jendei aurpegi emanik,
urkamendiko eser-lekua
sermoi alki biurturik.
......................
Senar-emaztek bi semerekin
il nituen gau batean;
iņork ikusi ez nindula - ta
geldi naiz erdi - pakean.
Barneko oiua ezin isilduz
nenbillen urtebetean,
gauezko loa egiten nula
pekatu aren gaņean.
...................
Neri begira zauten guziok,
ikusi zer dan gaiztoa:
emen nauzute nere egiteaz
urkabe ontan igoa.
Luzaro bage, biurrez estu
didotenean lepoa,
buka zazute, neronek ezin
bukatu dutan Kredoa.