Beti lagun
[Orixe ?]
Non dago? non aut? ez ote da auxe
neretza lengo Tolosa?
Ez al dezaket entzun berriro
mintzo goxo aren otsa?
Bego negarra, lurrindu bedi
begian malko mingotsa,
alare ez uke nik iregatik
negar egitea, lotsa.
Ire erraiņua ikusten diat
nere erraiņua ikusten diat
nere begi on txingarra;
argi biurtu dela niokek
ire ezpaiņen irri-parra.
Dante'ren iztal isillak beude,
betorkit neri ire garra,
bete dezadan azken-aginduz
eman idaken bearra.
Biotz-bertsoak egin nai eta
Jainko billa nauk oldartu;
ik esan idan bein ta berriro
ontan nendilla leiatu.
Lagun egidak argi orrekin,
nere bigarren aingeru,
igan ikusten diat garbien
Jaungoikoaren erraiņu.
Jainkorik ezin, ez ta aingerurik
gorputz-antzean iduri;
siņestez iņoiz konturatzen nauk
itzalpean nautela ni.
Illun ortatik bizi ontara
i aut bitartean argi;
erraiņu onen dirdaia lagun
aurrean zeuzkeat beti.
Beretarbiden, iturri askan
agertu didak begia,
osto tartetik iragazirik
eguzkiaren izpia.
Nere aurretik, ibilli gabe,
igaro uan mendia,
ikusi genin basora antzean
loretan den sagastia.
Len lagun zintzo gorputz-bizitan,
orain are, lagunago,
tokiz aldatzen nekeri ez duk
ez egal, eta ez zango.
Begi-orde ok aurreko ormara
eguzkiak jota baiņo,
zintzogo abil nere aurrean,
abil ni bizi naizaiņo.
Oroitu ta aztu, burruka diat,
tartez bakar eguzkia,
erraiņu onek irauten balu,
auxe nere zoria.
Goibeltzen bazait, gainbero bedi
bego barren au goria,
gorputz ustel au, gandu nasi au
daiteken arte eroria.
Biga atera duk, begiak lauso,
ikullu-zoko beltzetik,
begiak urez igurtzi eta
lauso orrek aldegiten dik.
Egun otako negar-malkoak
txuka ditudanean nik,
ni il arte ez beza Jaungoikoak nai
ire erraiņua galtzerik.
Nere bigarren albo-aingeru,
nere Jainko-erakusle,
il arte lagun, ortik onera
etzegok len ainbat bide.
Bakar-bakarrik nakustenean
jendeak esan bezate:
bekokian dik aren itzala,
lagun dik oraindik ere.