Ama samiña
Orixe
Zutik Gurutze ondoan
Ama samiña zegoan,
ta Semea zintzilik.
Aren arima ituna
ezpatak urratu zuna,
an zegoan larririk.
Nork ez du negar egingo
Jesus'en Ama alango
oiñazez ikusita?
Ama Semeak ikustean
biak oiñaze berean
elkarrekin josita?
Ots, Ama, maite-iturri,
Zurekin oiñaze bizi
ar dezadan egizu.
Sutu Kristoren maitean
biotz au, ta Aren aurrean
atsegiña nagizu.
Zauri ni, Zure zauriez,
zora ni, zure odolez,
Gurutz iturripean.
Sugarrak erre ez nazaten
nere alde jarri, arren,
Ama, azken egunean.
Emendik irtetekoan,
Amaren bidez ni noan.
Kristo, garaipenera.
Nere gorputz au iltzean,
anima doala egan
Zerako pozetara.
|