Jai aundi-txikiak
Ormalda
Jaupari batek irribarreka
pozez egoan antzian
itandu eutson mutikoari
baten kistar-ikastian.
-Urte barruan zein dok, mutiko,
jairik aundi-alaiena?
-Aitak etxean ilten dauana
txarriren bat apaiz jauna.
Mutikoak lez gaur be sabela,
askok daukie ludian
jaiaren aundi-txikitasuna
ezagutzeko aurrian.
Sabela ondo beteta ba-da
jaia da gorenengoa,
sabela erdi-gosez ba-dabil,
jaiao ezta aitatzeka.
Ormalda.