Zeruko giltza

Oregui, Jose

 ¡Iriki nairik daude zeruak,

 Otoitz umilla da giltza!

 Biyotzetikan otoitz gozoak

 Izpañak iriki bitza.

 ¡Jaungoikoari egiteko, bai,

 Gure erreguen eskeñtza,

 Añgeru ederrak beren egoak

 Astindu nairik dabiltza!

 Zerutik beraz igur dakigun

 Grazi gozo-aren intza,

 Biyotzetatik igo bekigu

 Egunoroko otoitza.

 Bata gora ta bestia bera

 ¡Miragarrizko langintza!

 ¡Otoitza eta graziya pozik

 Alkarrren jarrai dabiltza!

 Ala gizonak sentitu oi du

 Jaungoikoaren laguntza

 Eta lurrean egin ere bai

 Añgeruchoen bizitza.

 Egiyak adimentua eta

 Graziyak berriz biyotza

 ¡Zoriondurik, añgeruturik

 Ikusi oi da bakoitza!

 Zeruko atiak irikitzeko

 ¡O misteriozko giltza

 Biyotz umillen egunoroko

 Erregu eta otoitza!

 Zeruratzeko ¡zeñ pozgarriya,

 Beti betiko bizitza

 Añgeru eta santu arteko

 Otoitz-zalien eriotza!

 Otoitzerako zer ein bear degun

 Nai baldin badegu jakin,

 Ona emen nola Jaunan graziyz

 Ein bear degun alegin:

 Bekaturako bidetik alde,

 Zerurakoari ekin,

 Gurutzepean besarkaturik

 Gure Jesus onarekin,

 Bere Pasio santuan pensa

 Erruki aundiyarekin.

 Jetsemaniko baratz santuko

 Gure Jesusen gisara

 izar-argitan belaunak umil

 Umil ditzagun lurrera;

 Begiyak berriz Jesus onaren

 Arpegi Jaungoikozkora,

 Amoriyozko izerdiya, bai,

 Nola dariyon begira,

 Gure izerdizko nekepetikan

 Igo gaitezen zerura.

 Zenbat goizago, ainbat gozoago

 Biyotza otoitzarekin,

 Egochopean nola oi diran

 Chitachoak amarekin

 Goiz goizetikan jaiki ta goza

 Gure Jaungoikoarekin,

 Begi begiko sena bezala

 Zaintzen gaituanarekin,

 Gure gañera parrez bezala

 Zerua zabaldu dedin.

 Otoitz santuak egin oi gaitu

 zenbait graziachoren din;

 Santuen gisa bagabiltz berriz

 Lo-arin eta jan arin,

 Jaunan graziaz egiñik bentzat

 Nolabait ere alegin,

 Egaztiturik, añgeruturik

 ¡O zenbat poz ta atsegin

 Eguzkipean ez dan bezala

 Mundu guziko gauzakin!

 ¿Alkarren leyan otoitz gozora

 Jaiki oi geraden bezin,

 Eztiya baña eztiyagoko

 Biyotz-mingancho banakin

 Izarrez goitik zerutar danen

 Belarrietan zer tin-tin

 Gozoa bezin miragarriya

 Zeruak aditzen ez dio?

 Pozaren pozak gañez egin ta

 Isildu nai, baña ezin,

 Arreba otoitz-zalecbo bati

 Anayak ziyon itz egin.