Udaberrian?
Orbegozo
Ikaraz daukat barne-giroa
eztiaren larriz...
Dardar urtika biotza
pozkario biziz.
Gaztaro printza daramat trinko
soin edergarri ta jantziz.
Gaztetasuna izan-betean
kolokatu zait oiñarriz.
Zer dedan ikus,
zer dedan senti?
Zerk naun arritu.
zerk naun eztitu...?
UDABERRIA eder,
txistirikian,
bizimenaren magal
lirain, garbian.
Zer dedan ikus,
zer dedan senti?
Euskalerria
Udaberrian!
Udaberria
Euskalerrian!
Bizi-ikara
txinpart-kemena,
gaztaro-garra,
suzko almena
gure Erriaren odol gorrian...
Zerutar intza,
arnas, bizitza;
gaztaro txertu
joria, estu,
ene Erriaren gorputz zolian...
UDABERRIA
Euskalerrian!
Euskalerria
UDABERRIAN!!
|