HIRE EUSKALDUNTASUNA
1
Historio bat kontatutzera
nihoa bertso kontuan
sentitzen dudan amorru dena
ezin dut gorde barruan
hainbat jokutru maltzur eta zikiņ
nola dugun inguruan
kantari baten urrats berriak
datozkigu oraingoan
2
Hobeki esan ez dira berriak
daramatzan urratsak
aspalditikan ezagun dira
gizon honetxen jolasak
bakoitzak nola jorratzen dituen
gogoko dituen baratzak
nori harritu antolatzeak
tamaņa horretako saltsak
3
Bildurrikan ez! esloganarekin
hori duk hori montajea
horretarako izan behar du
aurpegi paregabea
denak dakite ez dela ETA
pinta horien jabea
errax duk igartzen hire nahiak
Manolo lotsa gabea.
4
Hik ongi dakik inork baino hobe
plan horren aitak nor diren
edo bestela galdetu ezak
Gasteizen edo Madrilen
pacto represico zikin hura
nolatan sinatu ziaten
egia esan argazki hartan
hi bakarrik falta hintzen
5
ETAk ederki erakutsi dik ba
eregan zintzotasuna
alferrik habil bere izena
utzi nahiean iluna
ez dik merezi hire galderei
ematea erantzunka
hori esango huke herorrentzako
propagandazko iharduna
6
Pacto-ak frente bat sortu zuen
beste frente baten aurka
frente zabal horrek bere barne
talde txiki asko dauzka
artista eta kantari batzuk
heldu zaizkigu ohiuka
Manolok abanderatutzen du
talde horretako zaunka
7
Heuk diokenez meatxuekin
behingoz behar da bukatu
hire amnesia galanta duk
hori ezin duk ukatu
Tortura, kartzela eta
herri eskubideak ukatu
Madrilen meatxuaren menpe
herri oso bat zigortu
8
Meatxatzaile eta meatxatuak
garbi zegok nortzuk diran
zenbait gertakizunen aurrean
ez duk altxatu hitzikan
horrelako ahots bikaina eta
nola egon ixilikan?
hire jokaera zikin horrek
badik meakulparikan
9
Bapo Manolo! oraingo honetan
emana duken pausoa
nork ote daki zer neurrikoa
izango den hurrengoa
berrogei printzipaletan laster
izango haiz lehenengoa
eta gainera nolatan ez ba!
hiri disko urrezkoa.
10
Jakin ezak bukatu baino lehen
ni ere artista naizela
maltzurkerizko jokoetatik
ez diat betetzen sakela
zuen bankete lotsagarriak
on egin diezaizuela
ni beste mahaian eseriko nauk
abertzale bat bezela
11
Bukatu diat bertso sorta hau
aski diagu gaurko
hurrengorako zer sortzen duken
erne egon beharko
kantari ona haizenez geroz
horra ere aukerako
nahi baldin baduk musika jarri
heure disko berrirako
Ondardi