"Txiki"
Igotz
Eguna urratzean,
laiñoa nagi dabil, pentsakor,
eleiz-aurreko landa ertzean.
Ume-oiu zoliak
datoz -izarren intziriak ete?-
ik maite enduzan auxiak.
Eta joan intzan
aizeak joa, zerbait artu gurean,
lau-oinka bizi-bizitan.
Ta ez aiz itzuli,
ez aiz itzuli geiago, txakurtxu,
ez aiz oindiño itzuli.
Nun dok, ai! luzatzen,
«Txiki», ene txakortxo bizkor?
Ire zain nok emen.
Illargia gero,
amar aldiz ikusi yoat
gorriz jantzia, ero.
Eta ire etsaiak,
-sagu, suge, katu, txori, sator...-
yabiltzak alaiak.
Atzo jaitu yoen
danak, txilio ta ots betean,
ire illeta goen.
Nun aut, «Txiki» laztan?
Izadi-sabelera, ain ixil,
betiko al aiz joan?
Azker agurrik be
-zetako ainbat itobear?-
niri esan gabe!
|