|
Salatu bearrez
Igotz
I salatu naiean
nator, neskatx oker;
ez dauskun, gaur, euskeraz
irakur nai ezer.
"Ez dakit" diņon nasai.
Ba ete lotsarik?
Ez dakin irakurten,
ez dakin izpirik?
Ta zelan don begitan
-aragi-lei susper-
arinkeriz, arroputz
ainbat erdal paper?
Gaiztoa ire jarduna,
nik ezin ulertu;
euskal gunaren euskai
len lez ez aunagu.
Ta i olan lur egiņa,
nasaikor ikusiz,
dardar yonat biotza,
barnea garrasiz.
Euskerarik, federik
guk ez ba'yonagu,
euskal alor joria
biur bedi trisku.
|
