Patin barria

Igotz

 Patiña jarri dabe

 neure baratzean;

 lamiñak dabiltz biran,

 gaur, goiz-urratzean.

 Zuri-oriak dira,

 ogetabi osoz,

 oiuka diardue

 esker kantu gozoz.

 Barbar zugatzak auzo,

 bedar ezeak dantza;

 aizeño ixilla, aren gaiñ,

 gau-orduz lo datza.

 Biotz-potzutik neuk be

 ura dot arauzten,

 Jaunari poz-oiuak

 dautsodaz ariltzen.

 Ezpan-irrikaz dagit

 otoitz egunero,

 Zuri maitez eskinka

 lan-izpiak gozoz

 Zuk be ori ekazu,

 ur bizi ortatik,

 neure arima barru

 alaia sorturik.