Ontziska ta ekaitza
Onaindia, Yakoba
Or ontziska gaixo,
I bai errukarri!
Zer dagik itxaso
Suminduan larri?
Nora ua, intxaur-oskol,
Urez arraunketan?
Ugarte ilezkorraz
Ari amesetan?
Ala, adu itxastarrak
Urruti bilduma
Ta bertara i be dei,
Zorakor urruma?
Garden-zale, iduriz,
Az, ene ontzi; baiņa ur
Dabilkik ekaitza,
Arerio makur.
Ekaitz-erraiak dir
Oņastarri izor,
Burrunba ostotsak
Odei ganez sarkor.
Irakin daraki
Ur-zelai gordiņak;
Zurbil yarri dira
Lengo margo urdiņak
I barriz aurrera,
Urgaldorrak magal,
Uiņen laztan-zale,
Estalkiak zabal.
Azatz gazi zear
Ekaitzaren mende...!
Erruki damostak
Itxasontzi txume.
Zabuka, zinkuriz,
Ondatu-zorian,
Izu-larri abil
Uiņen bizkarrian.
Gain dok ur-mendia.
Gaiztozko zirimol;
Ik barriz intzira,
Baiņa garalle, isol.
Or yatork nasian
Itxaski zakarra;
Po-egiņik, ene!
Iku dok ondarra.
An... laster gaiņik gain,
Barriz, igerian,
Apar zuri barna
Itxas-osiņian.
Uin-sabelak yoek
Suleza-indarra;
Ik baiņa gaintzeko
Burnezko bularra?
Oi ontziska gaixo!
Yo lenbailen kaira;
Urageak azkar,
Egik ondartzara.
Eunak aize-mende,
Kai-bidean ekin;
Ekaitza igesteko
Alegiņak egin.
Ez yak noski eder
Ondartza-barruti,
Erason orregaz
Osoan berezi?
Ator, maite: aier
Au aspaldiz kaiak;
Itzat naro yozak
Ur oztin garbiak.
|