Lore likistua
Igotz
Bide-egal nago zutik, lore likistua;
ikus, oi zuok, aiztok!, nire samin otza.
Ernai artu belarriz nire zin-oiua,
poz urriz beintzat ase dakidan biotza
Zori aldakor! Atzo poz-irriz ezpana,
gaur negar zoramenak nau oiñazez jarten;
oro atsegin atzo, maitezko laztana,
orain zaldi-apatxen otsa dot aditzen.
Eguzkik ez illargik ez ninduan atzo,
ez eurik ez aizerik ez nik nekerazle,
gau-iruntzak be ezin eustan poza itzo,
auzoko iturri-otsa bai neban gar-pizle.
Arrats batean, baiña, bare likitsa zan
nire biran agertu; mamu iguingarriak,
nigana igonik, zori txarra ekar eustan...
Eta arrezkero ditut malkotan begiak.
Eder nindun loretan Jainkoak eratu;
nik, edertasun ori ezaindu gaberik,
luzaroz gura neban baratz-ertz jarraitu.
Pizti arek, baiña, itxi nindun likisturik.
Gerora, irriz neukan ur-zelaiak nau iguin,
atzo kantaria zan gau-urretxindorra
mutu dot, ni loi ikusiz beretzat ez-duin.
Gaur nire zoria bai dala latz, gogorra!
Zugana digot, Jauna, damuz ta errukiz,
goiko izarki lerdenez ez naizu lardaska.
Errudun naiatzu-ta, begiak intz-bustiz,
bean naukazu auzpez Zutzat negar-aska