Lizardi'ren amesa

Igotz

 Ames txar bat egiña

 nozue lengoan...

 Gure erri maitea

 txit larri nekusan,

 ordeka soil legor bat

 iduri. Ez mendi,

 ez baserri, ez ezo,

 etzan ez agiri...

 Ez-eta euskerarik,

 gure izkuntz lerdenik,

 illa baitzan betiko,

 betiko joanik.

 Zelai erdian, baiña,

 jaun-talde ulezuri

 agurgarri batzuek

 leiaz ziran ari

 mai baten inguruka,

 paper eta idaztur,

 liburu -sail aundien

 aurrean bur-makur.

 Urreratzen naiake,

 ta... ba-dakizue

 zertan ziarduen?

 Asmau al dozue?

 Euskal iztegi aundi

 bati, arduratsu,

 azkenengo orraztuak

 egiten iradu,

 euskera ordurako

 il-lurperatua

 zanik be oartzeka.

 Jaun-talde yaiua!

 Bertatik yatan

 niri gatzatu:

 «Asto ilari

 uzkitik zuku»