Lanaren gosea
Igotz (?)
Iraultzan, Jauna, gaur dabiltz danak,
eta iraultza eskatzen dautzut;
uka naukazu atsegin leunak,
txaloak bere ukatzen ditut.
Auts jo gura dot okerra dana,
bakerik ez nik gogor-kerian;
lagun zakidaz, zeruko Jauna,
munduak daukan guzur-tokian.
Mundua nai dot jaso, obetu,
ta lan-min nozu, gizon-miņetan;
jendea nai dot, beti lagun Zu,
zeru-min jarri, argi-patsetan.
Irrits bizia doart or-emen,
entzun itzakaz ase eziņik;
ta Zuk diņozu: "Ona Ni emen!"
Giza-goseak naroa pozik.
