|
Itzala
Igotz
Itzala naz, itzala,
ta ixilik noa;
erreteneko uretan
dot goizez loa.
Bertako amorraiņak
ez dabe ikusten,
nik ditut zapi baltzez
itsu-erazten.
Itzala naz, itzala,
eta nigaitik
aurrak ezin ikusi
goian izarrik.
Iratxoa naz azkar,
ta egaz noa,
ur ta lur banatuaz
arnas ezkoa.
Ene zalditxu otza,
abil bioztun,
bildurra ereiņikan
bidean nainun.
Arnasa daroat zail
soin-barrenean,
dirdira dagiana
zume artean.
Itzala naz, itzala,
ba-daki ziak,
ene atseden-toki
begi-eztiak.
|
