Iturriak negar

Igotz

 Aldapa-saietsean iturri yaukala,

 gaiñez lertzen dautsola pagoak itzala.

 Ene laguna ta ni bertan lotu gara,

 uraren jauziari oldozkor begira

 - «Zergaitik, adiskide, negarrez itoa,

 iturritxo lirain onen jarioa?»

 - «Ez, maite, ez dok ori biotz-min oiua;

 ori dok lizar-txori poztu-nai ulua».

 - «Lizarrak pozteko ez bear ulu miñik;

 txoriak barriz ba-dau txinta jo ederrik».

 - «Antz-asper gabeok, siñets niri, arren,

 Jainko'ren aintzaz dozak barne-otoitz guren».

 Lizar-osto artetik keiñu eguzkiak...

 Negar-itoin bizi, ak eta nik begiak.