inprimatu
Garrasia!
Izenburua:
Garrasia!
Sinadura:
Onaindia Baseta, Santiago (Igotz, Jagoba...)
Urkizaren iruzkina:
Egilea(k):
Onaindia, Santiago

Argitalpena:
Karmel.
Urtea:
1984
Argitalpenaren urtea:
Alea:
1/2
Orrialdea:
124

 

 

 

 

faksimilea ikusteko


Garrasia!

 

Igotz

 

 Erria dot garrasiz

 «Aske, aske nadin...»

 Euri-otsa bidean,

 aizea zinkulin.

 

 Goi-aldean burrunbaz

 jaun jaku trumoia

 -zigorra, eriotza-

 illa bidez doia.

 

 Bide egalak iltegi,

 etxeak lur-jorik;

 asarre dabilkigu

 erio zororik.

 

 Erria dot garrasiz

 «aske, aske nadin...»

 Aske izateak, baiña,

 beragaz dau samin.

 

 Bizkor doa eguna,

 ta erria intziriz;

 arin dator illuna,

 t'erria garrasiz.

 

 Eta nik diñot, itun:

 «Zetan zara, Jainko?

 Betiko al gaituzu

 min-aldian ito?»

 


inprimatu