Espetxetuak
Igotz
Euskaldun seme, aberkide jator,
erruki zaitut biotzez;
orbel oria pareko zabiltz
aspaldi danik, zigorrez.
Zure samiņa bekigu danoi
bizi ats-bide aberkoi.
Gaiztotzat joa zakusta estu,
gogo ta gorputz auldua;
ames bat dozu, barru josia,
etxera miņez austua.
Gauez dituzu begiak gora
Jauna otoituz samurki,
egunez barriz espetxe-ormak
dituzu malkoz garrazki.
Zure samiņa bekigu danoi
bizi ats-bide aberkoi.
Goizez eguzkik zelaia laztan,
nik zu nai maitez besarka;
etxekoakaz ikusi nai zaitut
biotz berotsu laztanka.
Zure samiņa bekigu danoi
bizi ats-bide aberkoi.