Erne-mina
Igotz
Negu, aita otz, illaun,
soil, jantzi-urriai...!
Udazken argiaren
etsei biurria.
Solo-zelai oro illik,
egon samiñean;
zugatzak oiu-minka
aizeak jotzean.
Itunaren kideko,
ibaia astun doa
ta irriz ez dau, udan lez,
gozatzen alboa.
Bertatik -gogai ertun!-
edurra zoratzen...
Zuri, eder, oparo...
Baiña ez gustatzen.
***
Ustez beste, zer dogu?
Epailla, ume pitin,
or dagerku, ixit guri,
soiña daula oztin.
Zorapen samurrean
or yaku guritu,
adarretan bizia
esnatuz zangartsu.
Baratzean aran bat
goiztar da loratu,
ta ondoren kerexak
bota kukurruku.
Agur iri, negu soil,
ego-ausi zale!
Lo ona opa dauagu,
leiaren maitale.
|