Bizitzako goiza
Otarri
Zu, Malentxo liraņa biotz soin gazte:
Uda murgil orduko zurbil-kolkoan,
urdin-orizko lotik iratzar zaite
ta jolastu alaiez egun osoan.
Gogapen larri, edo sorgin-amesik,
oraindiņo ez dozu begi aurrean.
Ekin orrela! bizitz-urak, goizetik,
zerua dizdiztuko dautzu barnean.
Orain, bizi-naieak odei zakarraz
gogo-eguna biur baņo len sarkor,
orain, goizez, ez aiztu Goiko Aretzaz:
gurari leial oro Ak bai-dautzu sor.
Orrela, negar-zelai au igaro usu,
edozein dala zure oiņatz-zidorra;
ta nai-ta urteen astunez indarra meetu,
esku eder zenduke Jainko samurra.
