inprimatu
Banandu-bearra
Izenburua:
Banandu-bearra
Sinadura:
Onaindia Baseta, Santiago (Igotz, Jagoba...)
Urkizaren iruzkina:
Egilea(k):
Onaindia, Santiago

Argitalpena:
Karmel.
Urtea:
1958
Argitalpenaren urtea:
8
Alea:
2.zk.
Orrialdea:
8

 

 

 

 

faksimilea ikusteko


Banandu-bearra

 

Igotz

 

 Kai ertzean bigun kulunka,

 or itxas astuna...

 ta jende-mordoa begira,

 banan-bearrez ituna.

 Urez doazanen artean

 zenbat agur ta besarka!

 Zar ta gazte, erreka bai'litzan,

 zotiñari eraginka.

 Azkenik, joan-dei garratza

 uin oztin barruna dardar...

 Ez uste nik une au zanik

 orren minbera ta lakar!

 Koldobi itxasoz doa aruntza,

 zoriak erakarria;

 ta agurtzekoan, aren aiots

 eta biotz-min larria!

 Neugana dator leia bizi,

 barnean dakar arantza...

 Ito-zorian jarri dautso

 banan-bearrak biotza.

 Ezin itzik bat be taiutu

 edegi arren ezpanak;

 bizi-beroa ixurigaitik,

 ezin balio barrenak.

 Arnasea daust edan gura,

 nire besoetan murgil;

 iparrak altza lez nau lotzen,

 begion malkoa zintzil.

 Gero... geldi, arnas-estuka,

 miñez asea ta laru,

 diraust: "A¡, obe, ezpa-zindudan

 iñoiz be zu ezagutu!"

 


inprimatu