inprimatu
Agurra
Izenburua:
Agurra
Sinadura:
Onaindia Baseta, Santiago (Igotz, Jagoba...)
Urkizaren iruzkina:
Egilea(k):
Onaindia, Santiago

Argitalpena:
El Bidasoa.
Urtea:
1955
Argitalpenaren urtea:
11
Alea:
538.zk.
Orrialdea:
[5]

 

 

 

 

faksimilea ikusteko


Agurra

 

Igotz

 

 -Oi, ba oa, maite?

 Ba oa, ene eguzki,

 ene izatezko zati...?

 Oi, egia ote...?

 

 -Bai, benetan, ba-noa; eta esaidan: "Agur".

 Ez esan itz legorrik,

 ezta malko zotiņik,

 bai ezti ta samur.

 

 - Ba-oa... noiz arte?

 Itunaz mokoz-moko

 luzez bizi bearko,

 ire itzalik gabe?

 -Oraingotik zain ditut izarrak zeru zear;

 txaloz artuko nabe,

 kezka ta istillu gabe.

 Noiz itzuli bear?

 

 -Ezertxo enerik

 ba-daroak aldean,

 bakar miņak jotzean

 ni oroitzekorik?

 - Uts ditut esku biak; ez, ostera, biotza;

 sornin-ames urdiņez

 ta itxaropen utsez

 daramat gaiņezka.

 

 -Baiņa, maite, zer

 egingo bidez-bide?

 Urrun emazte ta aide,

 ote pozik ezer...?

 -Bidazti nabilke ta maitez mindu bulartsu:

 arantzaz da bidea,

 etsai-arriskuz betea,

 baiņa ez naiz izu.

 

 -Nitaz oroituko

 goiza koskontzekoan?

 Ta eguna laiņoan

 bil garaiz okerto?

 -Bai, zu zaituket, arrats larua iltzean,

 nik gogoan ertsia;

 itzar nai loz jausia,

 nik zu muin-muiņean.

 


inprimatu