inprimatu
Orra gaur ere sortu bertsoak
Izenburua:
Orra gaur ere sortu bertsoak
Sinadura:
Olea Ariztimuņo, Inozentzio
Urkizaren iruzkina:
Egilea(k):
Olea, Inozentzio

Argitalpena:
Zeruko Argia.
Urtea:
1966
Argitalpenaren urtea:
Alea:
171.zk.
Orrialdea:
6

 

 

 

 

faksimilea ikusteko


Orra gaur ere sortu bertsoak

 

Olea, Inozenzio

 

 1

 

 Orra gaur ere sortu bertsoak

 paperetan jarri naia

 nunbait oraintxe iritxiko zan

 orretarako garaia.

 ĢEUSKERA ETA ESKOLAKģ, au da

 aukeratu dedan gaia,

 berari buruz zerbait esaten

 nai nuke alegiņ saia.

 

 2

 

 Gure umetxo maitagarriak

 mundura datortzenian

 ongietorri euskerazkoaz

 artzen dira geienian

 Euskalerriko amak dakiten

 erarik goxoenian.

 Ara euskera nun ereiten dan

 baratzik samurrenian.

 

 3

 

 Eta ondoan dauzkagun arte,

 zerbait azi bitartian,

 euskera zarra edaten dute

 bularrarekin batian.

 Larros politak landatu arren

 aiņ itxaropen maitian

 geure eskutan zimeltzen dira

 eskoletara astian.

 

 4

 

 Eskoletaratu eta biltzean

 euskaldun ez diranekiņ

 gure umeak aztutzen dira

 len zekizkiten itzekiņ.

 Zergatik utzi bear ditugu

 izkuntza bakarrarekiņ

 nekerik gabe gelditu bear

 luteken aiek birekiņ?

 

 5

 

 Iņork ez beza uste eskolak

 gorrotatzen ditugula,

 baizik esan nai gertatzen dana

 izanik egi mardula.

 Anai arrebok ez aldezute

 pentsatu izan sekula

 ikasi bear dan tokietan

 euskera azten zaigula?

 

 6

 

 Ez det esan nai kaltegarria

 dala guretzat erdera,

 au gabe ezin liteke oraiņ

 bizimodurik atera.

 Bere ondoan maitatu eta

 gorde dezagun euskera;

 bi izkuntz auek ez baitaukate

 bizi eziņik batera.

 

 7

 

 Sarri mintzatzen gera jakintza

 edo kulturaren alde

 iņoizko garaiz ez bezela gaur

 orren bearrean gaude.

 Ez ote degu saiatu obe

 itz egiņ utsaren orde,

 eta etxean ikasitako

 ura eskoletan gorde?

 

 8

 

 Nork esango du egiz jakintza

 bearrikan ez duela?

 Danak aurrera jun da atzean

 geldituko da bestela.

 Ez dezagula euskera galdu

 errez gorde litekela,

 baizikan zaindu jakintza orren

 zati polit bat bezela!

 

 9

 

 Umetxoetan baldin badago

 euskeraren izatea

 ona litzake maixuak ere

 pixkabat erakustea.

 Ez alda bada tamalgarria,

 mingarri eta trixtea

 amarengandik ikasitako

 itzak eskolan aztea?

 

 10

 

 Lur egokian landaretxo bat

 txukun landatuagatik

 igartuko da euri epelik

 ezean zeruetatik.

 Euskaldunikan ez datorkigu

 gaur ume diranetatik

 euskerarentzat laguntasunik

 ez bada eskoletatik.

 

 11

 

 Ikasi gabe jakiņ naiean

 alper alperrikan gabiltz.

 Jardun bai baņa ez egitetik

 etortzen dira zenbat gaitz.

 Esan nai nuke euskeraz geigo

 egingo litzakela itz

 ikastetxetan apur bat izkuntz

 au erakutsiko balitz.

 

 12

 

 Emen azaltzen ditugun kezkak

 dira guraso batenak

 pixkabat lagun egiņ deiguten

 borondatea dutenak.

 Onetxek jartzen gaitu sarritan

 geure onetik irtenak:

 Gu euskaldunak eta umeak

 euskeraz ez dakitenak.

 


inprimatu