Oraingo bertso berriak

Olea, I.

 -1-

 Oraingo bertso berriak

 guztiontzako jarriak

 izango dira baldin laguntzen

 badit etorriak.

 Aginpide egarriák

 gañeztu ditu neurriak

 orrek ekarri bear dizkigu

 ixtillu gorriak.

 -2-

 Makiñabat negar malko

 pakerik ez degulako

 ixurtzen dira gaurko munduan

 gure kalterako.

 Dana libre guretzako

 esiak bestientzako

 guzia alkar errespetatzen

 ez dakigulako.

 -3-

 Albotik ala dizute:

 Gu maite al gaituzute?

 Gure akatsen berdiñak zuek

 ere dauzkatzute.

 Auxe eskatzen zaizute,

 gogoan izan zazute:

 Errespetatu alkar, maitatzen

 ez badakizute.

 -4-

 Zuri ta beltzen artian

 leize bat dago tartian

 sosegurik ez utsune ori

 bete bitartian

 beti burruka batian

 guztiontzako kaltian.

 Onela izan bear al degu

 bizitza guztian?

 -5-

 Gazteak aztoratuta

 eta zarrak zapuztuta

 ikusten dira, alkarrengandik

 urrutiratuta.

 Goazen bateratuta

 bide berri bat artuta

 sakabanatze onek gauz onik

 ez dakarkiguta.

 -6-

 Oraiñ eztago gazterik

 lengo gisara lotzerik

 ezpada ere guzi guzia

 beren gaiñ uzterik.

 Baña ez itxi biderik

 eskeñi gabe aukerik

 erori gabe eztago emen

 oñez ikasterik.

 -7-

 Badakit nola gazteak

 zaudeten kezkaz beteak

 gogait-eragin dizute ainbat

 akats ikusteak.

 Baña zorrotz izateak,

 guk nai bezela besteak

 zuzendu naiak ere berekiñ

 dakarzki kalteak.

 -8-

 Bakoitzak iritzi bana

 gurekiñ gertatzen dana

 gauz onerako ondo uztartzen

 badaukagu lana.

 Batabestearengana

 eman danok pauso bana,

 au da Elizak gaur egiñ eta

 eskatzen duana.

 -9-

 Eziñ arpegi alairik

 edo une bat lasairik

 izan onela bagabiltz alkar

 menderatu nairik.

 Sortu ezkero ezpairik,

 ezta faltako etsairik,

 bi alderdiei entzun gaberik

 ez eman epairik.

 -10-

 Animaz gera berdiñak

 Jaungoiko batek egiñak

 goiko ta beko nola jakintsu

 ala ezjakiñak.

 Utzi gorrotozko griñak

 besteren onaren miñak

 beti ondoren txarra du alkar

 ikusi eziñak.

 -11-

 Ez uste dana gerala

 geiago iñor eztala

 baizik oartu besteak ere

 pertsonak dirala

 Jainkoak mundu zabala

 danontzat egin zuala

 ta aginpide osoa Berak

 bakarrik duala.

 -12-

 Anaitasuna bizkortu

 ez gaitezela elkortu

 alkarrizketa onuragarri

 egizkoak sortu

 maitasunik ez agortu

 seta gaiztoentzat gortu

 lagun urkoen eskubideak

 biotzez aitortu.