inprimatu
Nere jaiotetxeari
Izenburua:
Nere jaiotetxeari
Sinadura:
Olea Ariztimuņo, Inozentzio
Urkizaren iruzkina:
Egilea(k):
Olea, Inozentzio

Argitalpena:
Zeruko Argia.
Urtea:
1966
Argitalpenaren urtea:
Alea:
182.zk.
Orrialdea:
6

 

 

 

 

faksimilea ikusteko


Nere jaiotexeari

 

Olea, Inoxentzio

 

 -1-

 

 Pago, aritz ta gaztaiņ

 mardulen tartian

 Mendarte izeneko

 baserri batian

 sortu nitzan mundura

 Zeraingo partian.

 Nere jaiotetxea

 berriz ikustian

 poz-malkoak datorzkit

 begiak betian.

 

 -2-

 

 Txoko irripartsua,

 gozo ta epela,

 nere begiak bai zu

 maite zaituztela!

 Uste det nik oraintxe

 txoratu naizela,

 sinistu bakar-miņak

 ekarri nauela

 enaratxoa lengo

 kabira bezela.

 

 -3-

 

 Emen eman nituan

 lenengo pausoak

 zaindari nituala

 nere gurasoak.

 Ziran kristau zintzo ta

 euskaldun osoak.

 Bi begiak illuntzen

 dizkit gaur lausoak

 Nik eziņ aiengana

 luzatu besoak!

 

 -4-

 

 Ai, nere aurtzaroko

 kaiola apala,

 ni bai emen alaiki

 jostatzen nitzala!

 Nun dezu ni goxatu

 ninduan magala?

 Eta babes sendo zan

 aitaren itzala?

 Ez aldakizu oso

 maite nituala?

 

 -5-

 

 Emen igaro nitun

 unerik onenak

 nere gaztearoko

 pozak eta penak,

 emen egin nituan

 amets zoroenak,

 iņoiz egi biurtu

 ezin litezkenak

 baņa bizitz au zerbait

 gozatzen dutenak.

 

 -6-

 

 Ementxe jaio nitzan

 baita ere azi,

 zutzaz oroitu gabe

 eziņ naiz ni bizi.

 jaunak eman zizkitzun

 makiņabat grazi,

 naiz nere maitetasun

 dana zuk merezi

 senti dedan guzia

 nola adierazi?

 

 -7-

 

 Ez dakit nagon esnai

 edo amesetan.

 Eguzkia jostatzen

 zuaitz ostoetan?

 Batzuetan argi ta

 illun bestietan,

 orra izar guzien

 jauna kuriketan

 nere etxe ondoko

 baso ederretan.

 

 -8-

 

 Lenen pozak nabaitu

 nituan tokira

 etorririk ezin naiz

 aspertu begira.

 Juan zan zoriona

 ez liteke jira.

 Esan eziņalako

 poz aiek nun dira?

 Ai, berriz eskuratu

 al baldinbalira!

 

 -9-

 

 Zaude aiņ leku eder

 eta apaņean

 Euskalerriko bazter

 mardul, bikaņean.

 Zu goratzeko itzik

 ez det mingaņean;

 baņa maiteko zaitut

 al dedan aņean

 biotzaren barrutik

 geigo eziņean.

 

 -10

 

 Udaberri alaia

 onutz irixtian

 lore mota guziak

 zelaiak betian,

 errekatxo ertz eta

 sasien tartian.

 Nere ingurua aiņ

 eder ikustian

 zentzun danak txoratz

 zizkidan batian.

 

 -11-

 

 Baso ostotsuetan

 kantari kukua,

 birigarrua ere

 berritxo askua,

 atsegiņez beterik

 nik berriz kolkua.

 Nun beste lur zati bat

 au bezelakua?

 Gorde zazu euskaldun,

 ene, jaungoikua!

 

 -12-

 

 Nik ezagunak ditut

 ontzaren oiua

 eta udaran kirkill

 alaien saiua,

 zeruan patxaratsu

 jiraz arraiua,

 orobat enaratxo

 bizkor ta iaiua.

 Nola damutuko zait

 ementxe jaiua?

 

 -13-

 

 Zeņen polita ziņan

 negu latz, otzian

 elurrezko maindire

 txuriz estaltzian!

 Gero geldi-geldika

 elurrak urtzian

 soro, baso, zelaiak

 billoiz gelditzian,

 zer trixtura nabaitzen

 nuan biotzian!

 

 -14-

 

 Nere txoko kuttuna

 maite zaitut lendik

 mundu ontako bazter

 polit danen gaindik.

 Lengo euskal usaia

 daukazu oraindik,

 ala-bearrez juan

 nitzan ni emendik

 baņa biotza eziņ

 aldendu zugandik.

 

 -15-

 

 Bazter alai, ostotsu

 ta zoragarria

 biotzaren pozgarri

 atsegingarria,

 asetzen didazuna

 maite-egarria.

 Nere kabitxo bigun

 estimagarria,

 ez aundizkia baņa

 bai maitagarria!

 


inprimatu