inprimatu
"Mixeriari"
Izenburua:
"Mixeriari"
Sinadura:
Olea Ariztimuņo, Inozentzio
Urkizaren iruzkina:
Egilea(k):
Olea, Inozentzio

Argitalpena:
Zeruko Argia.
Urtea:
1966
Argitalpenaren urtea:
Alea:
200.zk.
Orrialdea:
6

 

 

 

 

faksimilea ikusteko


"Mixeriari"

 

O[lea], I.

 

 -1-

 

 Pobrezan jaio giņan,

 mixerian bizi,

 zoritxarra besterik

 eztogu ikusi.

 Etxetik urten gendun

 gudaren igesi,

 era onetan iņor

 ezin daike bizi.

 

 -2-

 

 Oso txarra izan da

 aurtengo urtia,

 urrego urterako

 au da suertia!

 Tamala da benetan

 olan egotia,

 ezin igaro balei

 bien bitartia.

 

 -3-

 

 Anega bi arto da

 gure kosetxia,

 gauza eziņezkua

 txarririk iltzia.

 Oliorikan gabe

 daukagu eltzia,

 ezta aukerakua

 olan ibiltzia.

 

 -4-

 

 Azitarako ezta

 babarrunik izen,

 olan ezin egon lei

 lodi eta gizen.

 Jakin nai badau iņork

 gu nolan gabiltzen,

 galdetutia baņa

 etxaukak Bazas'en.

 

 -5-

 

 Erein genduan aņa

 lur sagarrikan ez,

 izango zalakua

 egin gendun amets.

 Emendik len baņo len

 oba egin iges,

 milla kilometruan

 joan ninteke oņez.

 

 -6-

 

 Tomatiak igartu

 legortiarekin,

 olan lanik egiten

 ezin leio ekin.

 Azak eta porruak

 oso dagoz erkin,

 naikua lan diagu

 bizitzen geurekin.

 

 -7-

 

 Izan dogun guzia

 zazpi kalabaza,

 onekin biar dogu

 urte dana pasa.

 "karrotak"* jateko be

 eztiran lez gauza,

 olan bizi izaten

 etxagok erreza.

 

 -8-

 

 Lau bei etxian eta

 gurditerdi belar,

 negu ontan baioguk

 zeri egin negar.

 Arbia oso gutxi;

 zerbait emon biar,

 emendik iges egin

 oba milla bidar.

 

 -9-

 

 Jentiak gaur daukanez

 ainbeste malizi,

 zoritxarra egin dok

 munduan nagusi.

 Gizon pobrerik etxok

 iņork nai ikusi,

 aldi ontan oba dok

 munduan ez bizi.

 

 -10-

 

 Praka zarrak soņian,

 arkandorarik ez,

 barriak billatuten

 etxagok ain errez.

 Bazaz'en bizi gara

 oso zoritxarrez,

 olango tokirantza

 oba etorri ez.

 

 -11-

 

 Etorri giņiela

 ie lau urte da,

 zoritxarra pasatzen

 etorriak gera.

 Makiņabatek baiok

 munduan aukera,

 ni baņo obarikan

 juan dok lurpera.

 

 -12-

 

 Amabi bertsorekin

 geure ibillera,

 Bazaz'en bizitzeko

 etorriak gera.

 Emendik juateko

 baneuko aukera,

 enintze itzuliko

 sekulan atzera.

 

 * "Karrota", "zanahoria" erderaz.


inprimatu