Au bizimodua...
Olea, Inocencio
-1-
Bertso berri batzuek
nai nituzke jarri
gaurko bizikeraren
ezagungarri.
Soseatu eziņik
emen gabiltz larri
aitzakiak ugari
emanaz alkarri.
Oso ta elbarri
geigoren egarri
nola geran sarri,
bear osagarri.
Ta ortik zorionik
eziņ egarri.
-2-
Lengo bizimodua
etzala samurra?
Ez det esan nai ori
dala gezurra.
Nekez eta izerdiz
laituaz lurra
bildu izan genduan
gure jan apurra,
otzari bildurra,
basoan egurra;
osasun laburra
bizitza makurra.
Alde ederra dago
atzotik gaurra.
-3-
Gogoan izan arren
lengo bizikera
ez du nai begisatu
iņork atzera.
Diran erreztasunei
emanik sarrera
iga gera geiago
ziranen parera:
jan ere naiera
mudatu jazkera,
semeei karrera
lanik ez zartzera.
Ala ta guztiz ere
konforme ez gera.
-4-
Ezbear txikienak
guretzat ekaitzak
erlijio klase bat
degu bakoitzak.
Galdu ditugu arras
geroko esperantzak
geuk dauzkagulagoan
zeru lurren giltzak.
Munduari aintzak
maitasunez otzak
errezuak motzak
legorrak biotzak:
Fedea galtzeakiņ
datortzen gaitzak.
-5-
Itxaropen guzia
aurrerapenetan,
elduleku sendoa
ez da benetan.
Ara zer ikusten dan
gure egunetan:
Danok atsegiņ billa
uts diran gauzetan.
Ta nere ustetan
gure eleizetan,
oitura onetan,
mandamentuetan
saia ezkero dana
or eskuetan.
-6-
Danerako astia
nola falta zaigun
beti laxterka gabiltz
gau eta egun.
Ezitzezdiran tresnak
arturikan lagun,
nora garamazkiten
ez alda ezagun?
Ezin bizi bigun
arnas artu zagun
umezurtz ta alargun
utzi ez ditzagun
familikoen kontu
izan dezagun.
-7-
Batetikan bestera
ezin gera aspertu
animako gauzetan
berriz alpertu.
Pausoz mundu guztia
nai genduke neurtu,
gure egun laburrak
lenbeņik len urtu,
gauari lapurtu,
danerako sortu,
noranaiko gertu,
osasuna lertu.
Ondo bizi nai dunak
patxara artu.
-8-
Jaunaren legea du
zorionak abe,
bera gorde ezean
zenbat naigabe!
Au ere mudatzeko
ustez gera trebe
bide txarretik nola
goatzen xuabe.
Neurri ori gabe
milla atsekabe,
griņa txarren labe,
utsaren mirabe;
baņa Jaungoikoa da
guztion jabe.
-9-
Iņori laguntzeko
gabiltza txit uzkur
geuretzat nai ditugu
zeru eta lur.
Premian dagonari
emateko maltzur
geure buruarentzat
ez gera orren zur.
Gezurra bai samur
egitikan balur
nekeari azur
penitentziz labur.
Gu zuzentzen badago
lanik asko gaur.
-10-
Mundu onetarko
zer degun onena?
Gauza guztiak dute
beren ordena:
Eduki bear degu
ontan sinismena
Jaungoikoa bakarrik
maitatu aurrena;
ta begirapena
projimoarena,
au da bigarrena
garbi dagoena.
Eta geroko izan
itxaropena.
|