Mendietan arrano
Olaizola
GORROTXATEGIK
...(Beti) izan gera gure aurrekoak
zer ziran jakin egarri
ta hortarako aukera ederra
oraintxe eskutan jarri.
Izan dedilla bide berri hau
sendotasun urragarri
eta sari hoi hartu ta gorde
lan horren oroimengarri.
LAZKANOK
Maian buruan gizon helduak
aldamenetan bi gazte.
Eskual Herriko Lengo urratsak
azalerazi dituzte.
Zuen pozgarri zerbait ein naian
hemen ai dira jai t'aste
bainan oraindik ez dute egin
zuek merezi hainbeste.
GORROTXATEGIK
Horra zer ikusi ederra da
zale geraden guztiak.
Nundik eta nora etorri geran
orain gu hemen biziak.
Berdin gabeko lana egiten
gogotik daude hasiak.
O Joxe Miel frutu eman du
zuk erein zendun haziak.
LAZKANOK
Konseju ederrik leenik eman du
Gure Joxe Migel zarrak.
Haiez gainera gaur ere ditu
emanak kontu edarrak.
Esana digu lengo gauzetaz
ez izateko zabarrak
zer ikusia izan dezaten
sustraiak eta adarrak.
GORROTXATEGIK
...(Hau) da jardun egin da ere
behar hainbat ezin haunditu
horregatikan zuri begira
zoratzen gera gelditu.
Gure lurreko laņu beltz hauek
azkar litezke argitu
zure antzeko seme gehiago
gure Herriak balitu.
LAZKANOK
Ai! Joxe Miel txalongarritzat
nik daukat zure zentzuna.
Nere motzean atrebitzen naiz
eskatzea erantzuna.
Eskual Herrian lengoa dezu
azaldutzen diguzuna
esan zaiguzu nola ote dagon
Herrian etorkizuna.
