Marte'ri

Okil

 Ortze sapaiko pitxi gorrista,

 Tarte lasaien axa zaudena,

 Guda, burruka, liskar erritak

 Sasi jainkotzat ar zinduena,

 Ardo naparren margoz aldizka

 Burni erdoiez berriz urrena,

 Bako-ren begi ordi gorriska,

 Benus'en abo, laztankor dena:

 Or goazkizu laxter txirristan

 Sugar-jarion zuzi lerdena

 Zorro degula, orko albistak

 Eman nairikan eta erretenak

 Aztertu ondoren, etorrita,

 Arritzen diran atxur... kirtenak.