Aurreneko semeari
Odriozola, J.
I
Etxeko danak txoratzen gaude
Asier, zuri begira
eta gaiņera kanpotik ere
batzuek etortzen dira.
Mayorazkoa gure etxean
beti zu izango zera.
Al dan azkarren azi ta etorri
nei lanean laguntzera.
II
Jarraitu beti zintzo, Asier,
gurasoak maitatuaz.
Oso garbia gelditu zera
orain bataio santuaz.
Ta segi ola aingerutxoen
ondora inguratuaz,
griņa gaztoei gogor eginda
etsaia oinperatuaz.
III
Oraindik ere txikia zaude
Asier biotzekua.
Oraintxe dala zortzi bat egun
etorri ziņan mundua.
Aitatxok erakutsi nai dizu
Jainkoaren agindua:
Zeure burua bezela maite
ezazu lagun urkua.
IV
Mundu obea egongo litzake
ori egongo bagendu.
Al dan geiena zuzen jokatuz
etsaiagandik aldendu.
Egun guziko lan da izerdiak
Jainkoagana zuzendu.
Eta guztiok biotz zabalez
beartsuari lagundu.
V
Bizitz guztian aizu, Asier,
etzazula beiņe etsi,
nagusi aundik bezela naizta
dirurikan ez iritxi.
Biotz zabalez eman zuk beti
naiz eta izan gutxi.
Beartsu oiei ez baintzat beiņe
etxeko aterik itxi.
VI
Pobreen piska aundia baita
Jaungoikoaren aurrean,
aberats oiek naizta obeto
azaldu emen lurrean.
Parre egiņaz pobre guztiei
azturik derriorrean,
egunen baten izango dira
oso estadu txarrean.
VII
Lapurreta da nagusi askok
gaur daukan ofiziyua.
Orretarako ikasi dute
orlako estudiyua.
Barruan dute etsai maltzurra
buruetaņo iyua.
Arren, Asier ez egin beintzat
olakoen soziyua.
VIII
Urte batzutan bakarrikan da
mundu ontako bizitza.
Isil isilik joan egin bear
Jaunak ematean itza,
eta barruan baldin badauka
lendikan sartua gaitza
pekataria zerura nairik
alper alperrik zabiltza.
IX
Pekatariak izango dira
ezker aldetik jarriak,
eta orduan pasako ditu
an lotsa izugarriak.
Esaten denez ango estuasun
ango negar da larriak,
eta azkenik eramango ditu
satanas beldurgarriak.
X
Begiraturik eskubitara
antxe bai edertasuna.
Beren bizitzan eraman zuten
Jaunaren bide zuzena.
Aingeru danak soņu ta dantza,
antxe bai alaitasuna.
Zeru ederren pasako dute
aiek betikotasuna.
