Frantzia eta Ruzia. Bi Arrano hirur Beleri.

Nabarro.

 1

 Frantsez herria gure Jainkoak,

 Hire gainean zauzkak begiak!

 Orai artino hedatu dauzkik

 Ongi handiak zerutik!

 Hogoi bat urthe dituk iragan

 Bakhar bakharrik zoko batean

 Egun Frantzia, Norte aldetik

 Adichkideak jin zauzkik.

 2

 Gau ilhun eta beltzetik landa

 Izaiter huen azken kolpea,

 Belek ez nahiz jeik'hindadien

 Sendatzerik ez onhesten!

 Eta orduian gure herria

 Oino sobera ez azkartuia,

 Ikharan eta auhen minetan

 Nindagon hortzak karraskan!

 3

 Bainan, Jainkoa hitaz orhoitu

 Hire bihotza orduian boztu:

 Ipharretikan jin zaukuk guri:

 Laguntza eta sokorri!

 Nort'Arranuak eman dik boza,

 Hegal kolpe bat gero guardia!

 Orai zatozte hirur beleak

 Biga gaituk nagusiak!

 4

 Bi arranoak hirur beleri

 Bethi guardian beha dagozi

 Noiz higituko diren hirurak

 Noiz altchatuko banderak!

 Gure Jainkoa eta Ruzia

 Frantziarentzat balimbadira,

 Jin ahal daizte ifernutikan

 Beleak oste handian!

 5

 Ruzia beraz da gure alde

 Orduz geroztik beleak gorde;

 Ordutik ere gure zauriak

 Oro dire estaliak!

 Nort'arranuak hek pherekatuz

 Hementik hura guk sostengatuz

 Hegalak zabal airean gaude

 Sekulako adichkide!

 6

 Urthe gutiren barnean dugu

 Adichkidanttza ongi finkatu,

 Geroztik elgar dugu phestatu

 Bagoazi eskuz esku!

 Bien indarrak betan emanez

 Nor trufako da bi arranoez?

 Goraki diot: Biba Frantzia!

 Biba, bai, biba Ruzia!