Andre euskalduna
N.C.
Hendayako berriak atzo ditut artu
Eskasak izan arren asko naute poztu
Zuen ishiltasuna eziņik asmatu
Gauetan ordu sallak lo gabe pasatu.
Korputze nagitu
Biotza samindu,
Malkoak samurtu
Begiak bigundu,
Luzaro modu ontan ezin bizitu.
Askotan egoten naiz bakarrik pentsatzen
Zuetaz oroitzean daldalak nau artzen.
Nere lagun obenak or dire bizitzen
Urruti egon arren ez ditut aztutzen.
Biotzez maitetzen
Eta deseatzen
Ondo izan ditezen
Eta erregutzen
Alkargana len bailen bildu gaitezen.
Aspaldian bakarrik nabilla munduan
Amodiorik gabe nere inguruan
Gazteago nitzela pentsatu banuan;
Andrecho-bat nerea gaur izango nuan
Beste askon moduan
Anchera banuan
Baņan nik nai nnuan
Jostau orduan
Udaran asko eta naikoa neguan.
Ezkondutzen diranak beti pentsaketan
Korputzari kenda jartzen elchechutan
Kontuak ateratzen egun osoetan
Jainkoak biralduko dizkioten aurretan
Denbora Onetan
Astean zaspitan
Eper eta ollasko
Auzoko eltzetan
Gazteak begiratu ishpillu onetan.
Ezkontza komeni dan askotan gazterik
Erantzutea nai nuke ondo pentsaturik
Ni ezezkoen nago asko ikusirik
Gazterik ezkonduak ziņez damuturik
Familiz josirik
Ezin mantendurik
Goseak bizirik
Eta arloteturik
La egiņagatik zorpean sarturik
Ogeit'amabost urte izanagatikan
Babarikan ez det nik gaur ere eskutan.
Ezkondu izan banintz ogei bat urtetan
Ez nitzan gaur egongo pachara onetan.
Jantziak kachetan
Dirua zarpetan
Parra ezpaņetan
Beti pasayatan
ŋZembat ezkondu daude larrupe obetan?
Egona gatik orain urtez kargatua
Ez uste daukatala sasoya galdua
Andre bat artutzen orain det asmua
Yņun billatzen badet nere gustokua,
Gazte'ta freshkua
Naiz ez jakintsua
Mingaņez mantsua
Eta doatzua
Korputz alaya eta ezur mamitsua
Askok ez uste arren nik ez det dudatzen
Oso zalla ez dala andre ona billatzen
Nere klasean beraz ez banu topatzen
Dirudun aberatsak ez naute lotsatzen
Badakit mintzatzen
Begiak sututzen
Biotza biguņtzen
Nere ganatutzen
Mediku onan moduan pultsua artutzen
Orra itz guchiz esan daukatzen asmoa
Zer edadetsu eta zer gishetakoa
Gaņera nai nuke nik itzkera ontakoa
Albada jayotzetik Euskal-Errikoa
Charra alda gustoa?
Obenetakoa.
Maishu onan argiaz
Goshatutakoa
Zerbaiten gatik naiz ni Elbi errikoa