Eleiza santua
N.
I
Gizon guziyak
biar dituzte
ill baño lenagotikan
sentzu danaren
jabe dirala
chit ongi pensaturikan
zuzendu beren
kontu guziyak
ondoren guagatikan
okerragorik
izan ez dediñ
ondasun aik gatikan
II
Gorputzakiko
ondasun oyek
utzirik oraiñ onduan
animarenak
gizonen batek
laga nai ditu munduan
erakutziyaz
dotriña onak
azkenetako orduan
Jaungoikuaren
lege guziyak
dirala ondorenguan.
III
Guraso batek
asken orduan
diyo bere semeari
begiratzeko
berak bezela
beti Jaungoiko onari;
Mandamentuak
kumpritu ditzan
emanaz onra berari
eriyotzako
trantze estuan
ez dedin arkitu larri.
IV
Zenbait semeri
astu oi zaizka
aitaren kontzejil oriak
kumpritutzia
eskeñi arren
biyotzetik ongi danak
eskeñi onak
kumpritze orrek
ematen dizkigu lanak
au egiñakiñ
zuzen gindezke
gaur arte okergeranak.
V
Jesus maite
biyotzekua!
¿zuk ez altziguzun utzi
zeure biziyan
mundu onetan
zenduena erakutzi?
burrukan gabiltz
kristau guziyak
nai ezik buruba jechi
ezin degula
pake santurik
iñola ere irichi.
VI
¡O Eleiz ama
santa bakarra!
Jesusek utzitakua
eta ainbeste
semerek oraiñ
atiak ichitakua
¡Eleiz santua!
¡Eleiz aundiya!
guziyak astutakua
pake santua
sabaldutzeko
Jesusek paratakua.
|