Au dek txerri iltzea...!
Nekazari bat
Agindu asko artuak gera
Nekazari gizajuak,
Alegindu ta saiatu be bai
Betetzen aldeguntxuak;
Baño oraingo au tremendua da
Jaun ziñegotzi altsuak
Nekazarioi lagundutzeko
Zuek bai gizon prestuak.
Udaletxetik nekazarioi
Etorri zaigun legea
Ain da zelebre buru gabea
Ta iñolaz ezin betea.
¿Auzo bateko txerri guziak
Egun batean iltzea?
¿Zein da orlako jakin mazteko
Gizon ez jakin trebea?
Oñatik ditu baserri asko
Bilduak auzo gitxitan
Baserri orok urtean bat ta
Askok berriz bi alditan
Geren txerriak iltzen ditugu
Gizendu alaz pozikan.
¿Nolaz zuzendu, gizendu ta il
Auzo guziak batian?
Egundo orlako agindurikan
Etzaigu iñoiz etorri
¿Ez ote dira ziñegotziak
Oraindik kontuan jarri?
¿Eziña agindu? Jestore jaunak;
¿Zergatik? ¿nola gauz ori?
Itxura danez ipurdiz gora
Zabiltzatela dirudi.
Orlako lege ezin beteak
Asmatzen dauden artean
Nekazarik bildu bear degu
Anaitasun gogorrean
Laister ditugun auteskundetan
Bilduaz denok batean
Jarri galtezen nekazariok
Garaille udaletxean.
Udaletxeko agintaritza
Autarkiz geuganatzean
¡Jestore jaunak! Kontuz, orduan
Agertuko da zein geran
Lege berriak, naiz itxusiak,
Artuaz golpe batean...
¡Baserritarrak! oztu, ba orduan
Nagusi gera kalean.
Nekazariok ez degu itzik
Kalekoekin neurtzeko
Ta ez da nai ere, baldin bada itza
Ez diranak esateko.
Oldoztu ondoren esan bear da
Gero ez lotsatutzeko
Leku txarrean ipiñi nai ta
Sarritan oi da, jartzeko...
Nekazariok agintaritza
Sortutzen degun eguna,
Kaletarrentzat zori txarra ta
Guretzat berriz zoruna;
Goitikan bera ezker ta eskubi
Izango da abarkaduna
Udaletxean jabe bakarra
Entzunaz beti "Bai, jauna".
Bateron batek par egingo du
Aurreko bertsuagatik.
Besteren batek, atza burura
Egi biribillakaitik;
Nekazariok ez gaude bada
Par egiteko iñundik.
¡Gizon izena beren egintzak
Azaldutzen du bakarrik!
Bertsotxo batzuk moldatutzeko
Esan zidaten auzuan
Udaletxeko agindu ori
Denok artzeko goguan.
Emen ari naiz pipa erreaz
Angor suaren onduan
Parkatu, jaunak, gaizki badaude
Obetogo urrenguan.
