Nondikan

 NONDIKAN zatoz aize goxoa

 nere matrailak laztantzen?

 Gau ilunaren itxura latza

 sedazko eskuz biguntzen?

 Gau ilunaren ixiltasuna

 doinu lirainez betetzen?

 Nondikan zatoz ludi mindu hau

 horren gozoro alaitzen?

 Zergaitik, aize, etzara beti

 ain maitekor ta biguna?

 Zer dala eta ez zara beti

 gizadiaren laguna?

 Txistu otsean zatozanean

 iruntsi nahiean dana

 era horretan gizonagandik

 zer da lortu nahi dozuna?

 Bai, sarri txistuz ta orruaka

 etorten zara aidean

 bidez aurkitzen dozun guztia

 hil da iruntsi nahiean

 odola eta samintasuna

 itzirik zeure atzean.

 Zer egin ete dabe gizonak

 Zer baina zure kaltean?

 Itzi egizuz bide zatarrok

 ta hartu bide zuzena

 Etzaite izan gizadiaren

 samina ta ondamena

 Kendu zugandik arrokeria

 Kendu aundikeri dana

 Ta izan zaite guztien lagun

 gaur legez goxo biguna.