Neska soldaduarena

 1.

 Gaztiak kantuan ta

 zarrak eragusian,

 ori da pasatzen dana

 bardin mundu guzian.

 2.

 Etxetik urten neban

 Mariatzeko illian

 amasei urterekin,

 neure txoramenian.

 3.

 Soldadu sartu nintzan

 Agorraren bostian

 kabo ero sarjento

 izateko ustian.

 4.

 Ni lako fortunia

 notu arrapatu?

 Amaika illabeteko

 sarjento nombratu.

 5.

 Urte bete baiño len

 nintzan teniente,

 rejimentutikan be

 nintzala ausente.

 6.

 Rejimentu bi izan ditut

 amar urte onetan

 Anjel de Ondasetan

 Buenas Airasetan.

 7.

 Nerau emakumia

 ofizialia

 letrarik eskolarik

 batere gabia.

 8.

 Agustin Antonio

 izan da neure izena.

 Ori aitu dezutenok

 ezta neure izena.

 9.

 Oraintxe da denboria

 izena murtzeko,

 Agustina Antonia,

 naizela esateko.

 10.

 Batetik lau balazo

 bestetik enfermo,

 Jaunaren abixuak

 oixek ditut klaro.

 11.

 Moja sartzera noa

 komentu batera

 Jesus-aren esposa

 betiko izatera.

 12.

 Amar urtian errege

 serbitu detalako

 dotia gertu daukat

 moja sartutzeko.

 13.

 Adios, ama neuria

 probintziania,

 ongi lastimatzen naiz

 zu despeditzia.

 14.

 Baiña oraindik ere

 bizi naizen artian

 gogoan izango zaitut

 neure biotzian.