Aurra ta Jaungoikoa
Altzo-Azpi, Did.
Mutill koxkorren moltxo bat,
Arpegi zikin belzturik
Galtzetan leyo-dutenak,
Nazareth erdi-erdian
Jostaka ari dira bizi,
-Poxpolin, din don binbilin:
Enauakala billatzen ni,
Kopetan zulotxo dunak
Dio bebakar bateri
-Astoak arrantz; igelak
Korrok. Y beti ixillik!
Arrapatzen baut. Pim... pim...
Leyaz, izerdi-patsetan,
Arnas estuka ibilli
Ta ibilli, pim t'etorri,
Gelditzaka ari dira
Onuntz-ara beti joka;
Enak eta dorretxorik
Eliz-ondoan pir-pir-pir,
Txir-txir-txir jira-biraka
ibiltzen diran bezela.
Mutiltxo liraņ-liraņ bat
Besoko atorra gorriz
Mokoak aistin kendurik.
Agiri da diadarka:
ĢBeko baratza ormatik
jauzitzera goazen, ba,
Yaia asperturik gaude-ta
Emen laxter-egiteaz.
-Ni lenena, dio batek.
Ni gero.-Ni irugarrena.
Laugarrena... Bostgarrena...
Emezortzigarrena... arte
Txori aien eztarriak
Dagizkite bere ereski
Bereziak burnaritzen
Bolikiak dagizkiten
Erakoak, txukun, zoli,
Bizidun, ernegarriak.
Sugearen antz-antzera
Lerro bat ziar-ziarka
Mutill koxkorrez egiņik
Igitzen da poll-polliki.
-Nik Anderek baņo geyo
-Nik Simonek bai ainbat
-Nin denak batean aņa
-Guztiok ortik aldegin:
Lekua zabal-zabalik.
Auxek mutillak! Utikan!
Dietsa, ikaratuta
Etxeberriko amoņak.
Orduntxe, bat-batean... !Plast!
Ta oiu bizi-bizi bat...
Simon lerdekatu dek!! Ai!
Ara odolez bustirik!
Mutiltxoak bildu dira.
Simonen aldamenean
Odolezko iturria
Dario kopet-erditik.
Ezta, ez, beste labanik
Arri zorrotz bat baizik.
-Simon, Simon!-otsegiņaz
Artzen dute gizajoa
Bere esku-oņetatik
-Illa! Etziok arnasik...
Aitzen da, denen artetik.
Ura negarrez, bildurrez
Au, besteak dardarrez,
Errira dira guztiak
Burbei, illun, damuturik,
Elkarrartean ixillik
Kale-bera datorrela
Jesus txairu-zoragarria
Dakuste belar pillakin
Eta arkumetxo batekin
-!Oi! Nundik zatozte nundik?
-Jolasten ibilli gera
Ta Simon Benjaminena
Il da.-¨Nola, nola ori?
-Jauzitzean orma goitik
Arri zorrotzean emanda.
-Nunbait lotan egongo da...
-Lotan da odolusturik
-Goazen arrengana, bai,
Lo ote dagon ikustera.
-Etziok iņolaz lotan;
Odol asko ixuri dik...
Bide laburtxo eginda
Beko baratzara dira.
Burua autsi-zulaturik
Masall ezpaņ gorri-gorrik
Argizagi beziņ ori,
Dakuste Simon ill-illik
Bide-ertzean etzanda...
Jesus belaunikatzen da;
Simoni musu-emanik,
Begiak txistuz igortzirik
Esaten dio illari:
ĢEsnatu, jeiki, laguna...ģ
Eta Simon jeikitzen da
Lo egon balitz bezela.
Eztu buruan zauririk;
Ez atorran odolik.
-Adi zak diotsa, Juan:
Ez berriz igo ormetara.
Aurrak belaunikaturik
Begira daude Jesusi.
Onek irribarrez dio:
ĢOrren, orren bildurtiak
Zeraten, nere lagunak,
Ez al zegon lotan Simon?ģ
|