Negua
1
Ubel hits bat, gainetik, petik aidiz churi,
Hau da bitchik ria daukuten ezarri.
Harriturik zerua so dago lurrari.
Irri karkailaz zaio, hau hemendik, ari.
2
Jakin nahiak, omen erran nahi baitu,
Iragaitez, hor gaindi, daukute galdatu.
Lur achala, hoinbertze, noiz othe den hoztu!
Elhurrari baitzaio, horma, zolan, lothu.
3
Zaharrenak, oraino, hor dira lekuko,
Azken gerlan, sasoina, zela holatsuko,
Zoin zen errech choria barnera biltzeko!
4
Bortuan, galdu ziren piaiant gaichoak,
Hil hotz, lurrean zauden, elhurrez ithoak.
Atherbea nun zuen, han gaindi, kampoak?
Zeru gaina zioten zabaldu Jainkoak.
5
Marrakaz ari ziren ardiak etcholan.
Hersturetan, artzainak, ez jakin zer eman.
Gose beltza lothurik, lazteko bazen han.
Hil eta larruturik, oro zituzten jan.
6
Ihizi basa ber, hotzak lotsaturik,
Berehala jautsi da, bortu gainetarik,
Nola den malindua, lumak harroturik.
Inguruka dabila, hurbil etchetarik.
7
Nor nahik du harma bat, eskuan harturik
Hil nahi duen hura, hantche da gorderik.
Ari zaio karrankaz, utz dezan bizirik.
Eman dezan, jateko chokho bat berorik.
8
Nork erran du Jainkoa, zer othe den ari?
Chaharturik, ez dela nehondik ageri
Oi! sinheste gabea, horra, nun den, ori.
Beharrik, oro aditu, berdin, urrikari.