Nafartarren arraza
1.
¿Nafartarren arraza
Ila ala lo datza?
Ez dut endelgatzen,
Beltzuntze bizkondea
Ain kapitain andia
Ez baitzant mintzatzen:
Ori zait gaitzitzen.
2.
Aurretik zerbitzura
Eta ardura sura,
Gogotik joaten zen;
Anitzetan kolpatu,
Eta beti sendotu,
Ala bear baitzen
Iltzeko damu zen.
3.
Anobreko partetik,
Armadaren erditik,
Erregek deitu du;
Itxasoz bertzaldeko,
Undarren beiratzeko
Ura autatu du,
Eta Anglesa izitu.
4.
Eyen bolbora fiñak
Ta libera esterlinak
Ez ziren askiko
Beltzunzen garaitzeko,
Gutxiago zalutzeko,
Fidel erregeren
Orai eta leen.
5.
Ura joanez geroztik
Ez du arat Anglesik
Batere urrendu,
Egin dute espantu,
Bai eta abiatu,
Naiyz atakatu,
Bainan ez menturatu.
6.
Bere egitekoak noski
Egin dituzte obeki
Onduan Abanan;
Zenbait tiro tira, eta
Sartu dira jauzteka
Irian triunfan,
Beltzunz ez baizen en.
7.
Gotin'go partian
Entzuten zutenean:
«Beltzunze eldu da»,
Elkargana bil eta
«¿Nun da ene bayoneta?»
Oyuz «¡armetara!»
Bainan oro ikara.
8.
Beltzunze'ren izena,
Eta aren omena
Urrun da edatzen,
Erregeren gortetan,
Iri eta kanpañetan,
¿Nork ez du entzuten
Beltzunzez mintzatzen?
9.
Zuauren erritarrek,
Bai eta lapurtarrek,
Goraki diote:
«Eskualdunen lilia
Eta ooragailia,
¡Zu zira, Beltzuntze!
Luzaz bizi zite».
10.
Franziak gero ere
Anitz denbora gabe,
Etsayak baituzte;
Zure odoletikako
Aintzindari ongizko
Erregek on duke,
Otoi, ezkont zite.
11.
Etorri da berria
Biotzen ausgarria.
¡Kantak ixil beitez!
Gaudezen auenetan,
Dolore minenetan.....
Gaudezen nigarrez;
¡Ein da Beltzuntzez!
12.
Neork ez-garaitua,
Garaitzen oitua,
Izan da garaitua.
¡Oi! erio garaya,
I aiz aren etsaya,
Ik duk gudukatu,
Bakarrik zebatu.
|