Nafarroa, Arragoa
Nafarroa, arragoa
argiaren pausaleku
haizeren ibil-toki zabal,
hesirik gabea.
Nafarroa, arragoa
sua eta ura,
kondaira urratu baten oihartzun oihukatua.
Amets bat baino gehiago,
ez oparotasun osoa:
nahiaren eta eziņaren burruka toki ekaitzez betea.
Nafarroa,arragoa
mahats eta gari
maitasun eta gorroto
gezur eta egia gurea.
Nafarroa,arragoa,
lur beroen sabel emankorra
eta goiko mendi hotzen mendetako loa.
Nafarroa, zuhur eta eroa,
lurrik maitatuena,
hormarik gabe utzitako etxea:
erreka gardenen negarrez
ibai lodietara ixurtzen ari den
odol bustikorraren iturri bizia.
Nafarroa, arragoa
izen bat
eta oinarri
eta oinaze
eta bidean zure billa ibiltzean...
Piņudiek usantzen dituzten
harri txigorrezko bidetan gora
o, Nafarroa, Nafarroa betikoa.
