Belen'en sortu zaigu...
M.L.
Lezo'ko Bikariyo jaunari
(A. Donosti'k bildutakoa bezela.)
Coment. in Invit.
"Belen'en sortu zaigu Jainkoa
arratseko gaberdian;
otzak dar-daraz dago gaxoa
lasto pixkaren gaņian;
bero ahalez bero dezagun
apa emanez muxuan".
In manu ejus sunt omnes fines terrae.
Mendi aundi ta lurzabaldiak
guztiak bere eskuan;
ta ganbelatxo batean dago,
otzak, dar-dara estuan.
Bero ahalez bero dezagun
apa emanez muxuan.
Ipsius est mare.
Dana bere izenari kantari
legorrean ta itxasuan;
ta Bera ixillik, apal-umilki,
otzak, dar-dara estuan.
Bero ahalez bero dezagun
apa emanez muxuan.
Nos autem... oves pascuae ejus.
Bera gure Artzai eta Jabe,
gu, billots bere onduan;
gugatik Bildotx egiņik dago,
otzak, dar-dara estuan.
Bero ahalez bero dezagun
apa emanez muxuan.
Procidamus.
Ixrael zegon ikaraz, Jauna,
Sinai-mendi inguruan;
Belen'en, Jauna, Zerori zaude,
otzak, dar-dara estuan.
Bero ahalez bero dezagun
apa emanez muxuan.
