Itsas haundian lan egiteko izandu nuen aukera
Murua, Iņaki
1
Itsas haundian lan egiteko izandu nuen aukera
Barku tzarretan ahal eginean sarri arituak gera
Bainan sasoia ez da betiko ta erori zait gain-bera
Noa batetik bestera
Zori txarrean gaitz batekjota behin sartu nintzan ohera
Orai bertatik jeiki ezinik hau da nere bukaera.
2
Garai batean zer arrantzale ai zer nolako mutilla
Airosa asko neramakien egundoko arrai pilla
Ta orai berriz mugitu ezin hementxe nago ixilla
Bizirikan erdi hilla.
Itsaso amak gorde ninduen orai artean abilla
Beraren gana joan nahi nuke berriz itxaropen billa.
3
Jaio ezkero jakina degu azkenik errematea
Eta nirire iritxiko zait norabaitera joatea
Bainan ireki naiko nioke itxaro penai atea
Ama itsaso maitea
Baldin badezu berriz sasoia hartzeko borondatea
Bestela noa olatuetan azken hatsa ematera.