Zaildura

Muniategi, Sabin

 Zailla da bai batzuetan

 norberaz bat etortzea

 gure ibilbideetan.

 Zailla da, zuri, ari

 eskua luzatzea,

 bat ez datorrenari.

 Zailla da bai, benetan,

 bidea aurkitzea

 laiñope illunetan.

 Zailla da bai eustea

 bizitzeari, emanik

 bakoitzari berea.

 Zailla da bai, egitan,

 gizon lez ibiltea

 gizarteko sareetan.

 Zailla bai egunotan

 ontasunez beterik

 zeintzea mundu ontan.

 Zailla da bai, deus utsez,

 lagun urkoratzea

 ezebez-ezebezez...

 Zailla da beti onez

 apalik agertzea,

 ain gizarte garratzez.

 Zailla da bai aurrera

 iarraitzea, kemenez,

 iauzi barik lurrera.

 Zailla bai maitasunik

 ezbada, goitasunez

 ibiltea ederrik...