Urtearo berria
Muniategi, Sabin
Zein orlegi dagozan Euzkadi'ko mendiak!
Bai zoragarri zeru-alde urdin, argiak!
Zein alaigarri egunsentiko txiruliak!
Bai oneskor basoetako txori-abestiak!
Egun argiko udaberri goiz eder bat zan
Jorrailleko orlegitasunaren menean
eguzkia intzezko izar-dizdirapean
odei urdiņak itxaskari dabiltzanean...
Miren'en begi argiak argiz bete ziran
eguna alako jantzi argiz ikustean,
izadi berbiztua itxarozko gorakadan!
Miren leioan zegon begira-begira
eta, poz-pozik, txori-txintadak entzutean
ederrik, maitasuna zetorrela bizira.
