Urte barrira begira

Muniategi, Sabin

 Urtea joan da beren

 mugerdura ta oskolez,

 bizitz berun luzearen

 egun argal ta ikolez.

 Atzokora joan da bai

 ta, joan baldin ba-da,

 emen gu, barriaren zai,

 onez el dadin argira.

 Itxaroz etor dadilla

 beren onura ta gatzez;

 laztantsu, maitez bilbilla,

 ta, ez gogorkeri latzez.

 Lorara bedi ogia

 Loreik eder eskeinkorrez

 opalduz bere saria

 uztatze on baten bidez.

 Ugari ikus nai neuke

 izatearen bizi poza

 uxaturik ainbat neke

 goseren ezten zorrotza.

 Anai arteko bakea

 zabal bedi gizartean,

 usai gozodun lorea

 argitasun ederrean.